Kleuterskool
Die skool is geleë in die Hoedspruit-area aan die voet van Mariepskop te Kampersrus. Die skool is gestig in 1986. Huidiglik is daar 100 leerders in die skool wat in die volgende fases geakkommodeer word:
- Kabouterklas (babas : 6 mnde. tot 2 jaar)
- Leeutjieklas (2-3 jariges)
- Miertjieklas (3-4 jariges)
- Beertjieklas (4-5 jariges)
- Graad R-klas
In al die fases word die voorgeskrewe kurrikulum gevolg en die Graad R kleuters volg die leerprogram met 'n werkboek soos onderskryf deur die Onderwys Departement.
Kleuters het die geleentheid om deel te neem aan die volgende addisionele ontwikkelingsprogramme:
- Future Kids (Rekenaaropleiding)
- Bulletjierugby
- Play Ball
- Swem
- Kumon (Wiskunde en Engels)
- Ballet
- Graad R kan ook inskryf by die Laerskool se Leessentrum waar hulle op hullev lak leer "lees".
Van die vele aktiwiteite wat hier plaasvind, moet ons die volgende hoogtepunte uitsonder:
- Pappa-aand: Hierdie bly die kleuters se nr. 1 - 'n geleentheid om 'n hele aand lank Pappa se onverdeelde aandag te geniet terwyl daar speletjies gespeel, kompetisies gehou en heerlik gesmul word aan die piekniekmandjie wat Mamma ingepak het.
- Mamma-middag: Nie so gewild soos bg., maar steeds een van die hoogtepunte
- Konsert: Elke kind kry die geleentheid om sy buiging te maak op die verhoog. Glo dit as u wil, maar daar word amper vuisgeslaan onder die ouers oor die 380 beskikbare kaartjies vir die geleentheid.
NaskoolSentrum
Die kleuterskool het ook vanaf Januarie 2015 'n Naskoolsentrum.