Lewe en Strewe  
TUISBLAD


Hoog teen die hange van die bosagtige Drakensberg lę Mariepskopskool. Geen besoeker wat die geleentheid het om 'n oomblik hier te verwyl word nie onmiddelik stom geslaan deur die oorweldigende betowering van kranse, bosse en vlaktes nie. Sentraal in hierdie sprokieswęreld, staan Mariepskopskool, waar kinders van geboorte tot hulle hoërskool toe gaan op uitnemende onderrig kan aanspraak maak.

Laerskool Mariepskop is 'n skool waar elke kind belangrik is, waar onderwys veel verder strek as kennis versamel en waar waardes hoog aangeslaan word.

Die skool se leuse: Lewe en Strewe word uitgeleef deur die kind in totaliteit op te voed en 'n holistiese benadering te volg. Die akademie, sport en kultuur geniet besondere aandag. Ouerbetrokkenheid is 'n uitstaande kenmerk van die skool en menige toeskouer en besoeker het al melding gemaak van Laerskool Mariepskop se uitsonderlike ouerkorps. Die skool is ook 'n uitstekende venue vir troues, konferensies en familiefeeste.

Sportprestasies lę gesaai. In 'n klein, landelike skool word elke kind op elke terrein benodig en gebruik. Op kulturele vlak staan hierdie skool kop en skouers uit bo ander.

Die Babaskool en Kleuterskool op die terrein is van uitstaande gehalte. Ook hier is gekwalifiseerde onderwysers in beheer om die kleingoed spelenderwys te leer.



LAERSKOOL MARIEPSKOP

TEL: 083 231 4778
FAKS: 086 604 1705
SEL: 079 529 6071
admin@laerskoolmariepskop.co.za

Webblad Ontwerp Deur Coffeebean Web Designs